Shillong, Nailur 26: La mih ka jingpynbna na ka bynta ki paidbah kiba la shah bthah ba ka jingpyndonkam iaki kali ki dei ban pyn kynthup bad ka kyndon jong ka ain Motor Vehicles Act, 1988, ka Central Motor Vehicles Rules bad kiwei kiwei ki ain ba la buh.
Ki pulit kila hukum ban buh tang ka RTO kaba la dep pdiang da ka High Security Registration Plates (HSRP) katkum ka kyndon ba la buh halor ka jingpyn itynnad iaki nombar plate.
Ki dei ban pynsangeh ban buh iaki jingtem ba sawa, ki tyndong ba pynmih iaka jingsawa jam bad ki horn ba palat pud ka jingsawa kaba long ka jingthut iaki paidbah bad kaba pynmih bun rukom ki jingsawa.
Ym bit ban pynkylla bad pynsniew iaka dur bad ka jingheh (ka pyriang, ka jngai bad jingheh, bad ka jingjrong) jong ka kali khlem ka jingbit jingbiang kaba dei, khamtam ba la iohi ha ki kali, kaba long ka jingpyrshah iaka kyndon jong ka section 52 ka Motor Vehicles Act, 1988 bad Rule 93 jong ka Central Motor Vehicles Rules, 1989.
Kiwei kiwei pat ki jingpynkhein ki kynthup iaka jingtah iit iong iaki kali kaba palat iaka jingioh jingbit, ka jingpyndait iaki light ba khlain ka jingshai bad ka jingpyndonkam iaki shaka ba heh, ki taiar kali kiba mih shabar jong ka kali kiba long ka jingpyshah ba jur.
Ym dei ban niah kali haba la dih iaki jingdih ba pynbuaid bad kiwei kiwei ki jingdih ba pynbuaid kiba long ka jingpynkhein pyrshah iaka suk ka sain ka surok kaba lam sha ka jingtakhuh kali.
Yn shimkhia mar mar ia kane lada don mano mano ba pynkhein pyrshah lada lap ba don ba niah kali ha ka rukom kaba ma bad thurmur bad pynkhein iaka kyndon jong ka jingpyniaid kali.
Ki trai kali lane ki nongniah ki dei ban pynthikna ba dei ban pynbiang iaki kot ki sla ba biang bad pyni ha ka por ba don ka jingjurip lada donkam.
Kine ki kynthup, katba lah kum ka lisen niah kali ba biang, Registration Certificate (RC); Valid Motor Vehicle Insurance Policy; Fitness Certificate bad ka Permit bad ka Pollution Under Control (PUC) Certificate ba biang pura.
La pynmih ia kane ka jingpynbna iaki paidbah ba yn sa don ka jingchecking naduh ka 10/Risaw/2026 ter ter khnang ban don ka shongsuk shongsain ha ka jingpyniaid kali.
Katba ki nongpynkhein kyndon kin shah dain kuna, shah bat ki kali, jingpynsangeh bad sospon iaki kot ki sla bad ki lisen bad kiwei kiwei kiba iadei bad ki kyndon katkum ka jingai jingbit ka ain. Ki trai kali bad ki nongniah kila ioh ka jingkyrpad ba kin bud ryntih iaki rule ki kyndon jong ka jingpyniaid kali.
