Shillong, Nailur 28: Mynta ka sngi 28/Nailur/2026 u bah Lovingson Shadap u bah Tious Six Pakma bad u bah Romania Dkhar kiba dei ki nongniah trok ka Star Cement Company kila kam ba ka kila shah nion tyngeh ha katei ka kompeni ha kiba bun ki liang ia ki kum ki dribar.
Haba kren ha ki lat pathai khubor ha Shillong Press Club u bah Tious Six Pakma u la ong ba namar ka jingshah nion bein palat ha ka Star Cement kim banse ban pynsngew sha ki lat pathai khubor ia ki jingeh jong ki namar ki niah kali ha kane ka kompeni ba kit ia u Klingkar bad u Dewiong.
Ka jingeh ka jong ki kaba ki ia kynduh ka dei ia ka tulop bad ia ka bai lynti ym tang kata u bah Tious u la kam ba kila kham ai lad ia ki kali kiba na shabar ka jylla ban ia ki trai jylla kum ki nongniah kali kila ia kren bunsien ia ka baibam, ka bai lynti naduh ki Insurance bad kila iakhih bunsien bad leit ruh sha DC ophis hadien ka jingiakhih jong ki ka kompeni ka kwah ban weng noh syndon ia ki na ka kam dei na kane ka daw ba ki wan ban pynpaw ia kane ka jingeh.
U bah Romania Dkhar ha ka jingkren ka jong u, u la iathuh ha ka por ba ki khot rung kam ka kompeni kala pan shibun ki kot ki sla bad ia ka jingpynshisha ruh na ki pulit ka syrnod ka koit ka khiah bad ka syrnod jaka shong jaka sah hynrei kaba sngewsih ka long ba haduh mynta kim shym ai ia kata ka shithi thung kam ia ki bad na ka liang jong ki kila ju kylli ia kane hynrei la ong ba kim don hok ban kylli.
U bah Lovingson Shadap u la iathuh ba ki nongniah kali hapoh ka Star Cement ki don kumba 300 ngut eiei u la ong ba katto snem kila ia trei bad ki hynrei kila shah lehbein, la iathuh ba kine ki kali 16 tyre kila sdang ban iaid mynta la saw snem bad ka bai kali ki ai T.4500/- shiton hynrei kat dang mih ki sngi kila pynhiar ia ka bai kali katba ka jinglut jingsep ka dang kiew.
Haba ia kren bad ka kompeni haba iadei bad kane la ong ba lada phim lah shuh ban trei ka bha ba phi sangeh noh kum ki nongniah kali kila leit ban ia kynduh ia u DC ban pynsngew ia kane ka jingeh sha ka sorkar hynrei ha ka jaka ban kyntiew ia ka bai kit katkum ka por shah beh kam pynban bad haba don kano kano ka jingjia ia ki kali la pynngat ha ki nongniah kali.
