Ampati, Nailur 28: Ha ka jingkiew ka jinging ding sha ki khlaw bad ki jaka jong ka imlang ka sahlang kaba ap jingma ruh iaki, ki nongtrei, samla pule, ki samla bad ki nongmihkhmat jong ka Betasing kila ioh jinghikai kumno ban pynlip ding bad ioh ki lad jingiada ha ka Social Forestry Range, Betasing.
Ia katei ka prokram ai jinghikai, la pynlong da ka Social Forestry Range, Betasing, kaba la wanrah lang iaki Nokmas, kiba dei ki samla pule jong ka skul Betasing Secondary School bad ka Little Academy Secondary School, ki dkhot jong ka Joint Forest Management Committees (JFMC) bad ki Village Forest Fire Control Committees (VFCC), ki nongtrei jong ka Social Forestry Range bad kk pulit pynlip ding na ka Fire and Emergency Services.
La pynlong ia katei ka prokram da ka Sanchi Tamasil M. Sangma, kaba la kren shaphang ka jingioh jingiada na ka jinging ding ki khlaw bad ki lad ki lynti ban teh lakam iaka jinging ding. Kala ban jur halor ka jingdonkam jong ka jingpynshai iaki paidbah, ka jingpyn khreh bad ka jingteh lakam ha ka por kaba biang ban khanglad iaka jingpluh ka khlaw bad ban pynduna iaka jingpur ka ding.
Katba u Ongkolsing Arengh, SRSO, Ampati, uba dei na ka Fire and Emergency Services, u la pynlong da ka jingai jinghikai ba pyni halor ka lad ban teh lakam iaka jinging ding, kynthup iaka jingpyndonkam bha iaki tyndong pynlip ding, ka buit ban teh lakam iaka jingpluh ka ding, ki lad jingiada ban shim ha ka por ba pluh ki khlaw ki btab bad ka jingithuh iaki jait jinging ding ba har rukom.
Kane ka jingia jinghikai kala thmu ban pynskhem iaka jinglah jong ka imlang ka sahlang bad ki pulit ba kin husiar bad long kiba kloi ban ai jingiada ha ka por ki jingjia ba pluh ding ki khlaw, katba pynroi iaka imlang ka sahlang kaba iashim bynta lang ha kaban ai ki lad jingiada haba don ka jinging ding.
