Shillong, Nailur 28: Ka Maniwell Jahrin Academic Excellence 2026 kala pynlong iaka jingsam khusnam iaki khynnah pule b
ad ia katei ka jingsam khusnam la pyniaid da ka Maniwell Jahrin Academic Trust ha Maharam Government Higher Secondary School, Mawkyrwat, ha ka sngi saitjain, ha kaba la sam khusnam iaki khynnah pule katei ka skul kiba la leh bha ha ka eksam Secondary School Leaving Certificate (SSLC) Examination kaba la pynlong da ka Meghalaya Board of School Education (MBOSE).
La sam ia kitei ki khusnam man la u snem sha ki samla pule kiba wan shakhmat na kiwei kiwei ki skul kiba hap hapoh ka Maharam Syiemship. Hynrei mynta u snem, u samla Sunshinestar Nongsiej jong ka Maharam Higher Secondary School u la long uwei na ki samla pule ba wan shakhmat bad u la iohpdiang iaka Maniwell Jahrin Award na ka bynta ka Academic Excellence.
Ia katei ka jingrakhe, la don bynta lang da u bah Renikton Lyngdoh Tongkhar, uba dei u MLA katei ka shnong kum u kongsan. La sdang ia kane ka khusnam ha u snem 2004 ha ka jingkynmaw burom ia u bah Maniwell Jahrin bam kwai ha dwar u blei uba na ka shnong Jakrem, uba long ruh u briew ba sngewrit, don mynsiem isynei bad ba bha mynsiem, khamtam na ka bynta kito kiba duna ka ioh ka kot.
La iohpdiang ia katei ka khusnam da ka kong Pearly Syiem Marak, kawei na ki khun jong u bah Maniwell Jahrin, kum ka jingkynmaw ieid ia u kpa jong ka. Ym ban tei iaki mot sahnam kiba long rnong ne kiba bniah bad kiba khlem mynsiem, hynrei ban pynneh pynsah iaka nam jong u da ka pule dangle kaba pynshlur iaki khynnah pule ban iai minot ha ka jingim bad ban shakri iaka imlang sahlang.
Kum shi bynta jong katei ka jingsam khusnam, kiba iohpdiang iaki khusnam kila ioh ruh iaka jingduwai na ki pastor ba shah khot sngewbha kaba bud da kane ka jingai khusnam, kaba bynrap da ka rukom pyniasoh bad ka thong ba kynja mynsiem halor ki prokram kiba man ka snem bad kiba pyni ruh iaki dor bad ki nongrim kiba u bah Maniwell Jahrin u la leh iaki kam ba bah jong u.
Haba kren shaphang kane ka jingai khusnam, la ong ba la ai da ka song pisa kaba haduh T. 30,000 na ka bynta uba wan shakhmat, T. 20,000 uba wan ba ar bad T. 10,000 ba wan ba lai, ha kaba la ithuh bad kaba pynshlur iaka jingstad jingnang ba kynrei napdeng ki samla pule jong ka Maharam Syiemship.
La kyrshan pura ia katei ka prokram da ki khun bad khun ksiew jong u bah Maniwell Jahrin, kiba la bteng ia kane kum ka jingkular shi iing shi sem ha kaban pyniar iaka pule puthi bad pynshlur iaki samla ba kin noh synniang sha ka jingpyn roi iaka imlang ka sahlang.
Naduh ba ka sdang iaka ha u 2004 bad ryngkat bad ka jingpyn kylla jong ka khlam COVID-19, ia kane ka jingsam khusnam la pynlong man u snem. Ha ki snem ba la dep, lyngba kane ka jingsdang la iohi ba bun kiba ioh ia kane ka khusnam kila lah ban kiew bha ha ka jingim jong ki bad wad iaki kam ki jam ba jop ha ki bynta bapher bapher. Katba ki nongioh pdiang ia kine ki khusnam kila long ki engineer, ki nos, nonghikai bad kiwei kiwei ki kyrdan ba halor, kaba pynlong iaka jingmut ban noh synniang na ka bynta ka imlang ka sahlang.
Kum ban shu pyntip, uba ioh nyngkong ia kane ka khusnam ha u snem 2004, u la kylla long u doktor bniat ba don la ka dukan sumar bniat ha Mawkyrwat, ha kaba kane ka pyni iaka jinglong minot ka jong u bad ka long ruh ka jingpyn shlur ia kiwei ki samla pule ba kin dang pule bad wan shakhmat ha ki jingpule jong ki bad biang ka kam ka jam.
Ka Maniwell Jahrin Awards for Academic Excellence kala bteng ym tang ban shakri ban ithuh kum kata kaba pyniar iaka pule puthi, hynrei kum ka jingbei tyngka kaba iai neh na ka bynta ki samla pule jong ka Maharam Syiemship.
Lyngba kane ka jingsdang, ki bahaiing ha sem jong u bah Maniwell Jahrin ki thrang ban ri pynneh pynsah iaka nongtymmen jong ka jingisynei, ka jingkylluid mynsiem, ka jingshaniah bad ka jingtrei shakri kumba ju leh u bah Manihwell da kaba kyrshan bad ai mynsiem iaki pateng longdien jong ki khynnah skul.
