Shillong, Risaw 01: Ka tnad treikam jong ka sorkar pdeng Micro, Small and Medium Enterprises da ka jingiatreilang bad ka tnad khaii pateng ka sorkar jylla kala pynlong ia ka jinghikai kaba shi sngi ha kaba iadei bad ka khaii pateng shabar ri ia kane ka jinghikai la pynlong ha All Saint Hall, IGP Shillong.
U bah Cyril V. Darlong Diengdoh IAS, Commissioner bad Secretary ka sorkar jylla ba dei peit ia ka tnad khaii pateng haba kren ha kane ka jingai jinghikai kum u kongsan u la ong ba ki don shibun ki jingeh kum ki nongkhaii shabar ri ki ia kynduh namar ha man la ki ri bad ki iew ki don ia la ki jong ki jong ki kyndon kaba hap ban pynbiang.
Kine ki kyndon ki long khamtam eh ha kaba ki mar ki mata ki ban phah shalan sha kiwei pat ki ri ki dei ban long ki mar kiba bha bad ban pynbiang ia ki kot ki sla kiba iadei ha ka khaii ka pateng bad bunsien ia kane ka phang ki nongkhaii kim da sngewthuh bha dei namar kata ka daw ba kane ka jing pynlong ia kane ka jinghikai ban sngewthuh ha ka khaii pateng.
U bah Cyril u la ong ba kane ka dei ka kabu na ka bynta jong phi kiba wan ban ia shim bynta ba phin buh ia ka jingkylli pan ruh ia ka jingpynshai na ki briew kiba la wan khnang hangne ban hikai ba kumno ban pynbiang ia ki jingdonkam bad ka jingdon jong ki ka long ban ai ka jingkyrshan.
Kaba nyngkong eh kham bunsien kala don ka jingbymshai ba ia ki mar ki mata ym lah ban shalan shabar ri bad ka jingialang kaba kum kane ka long ban pynshai bad ban pynsngewthuh bad ban weng ia kata ka jingsngewthuh bakla, la don shibun ki nongkhaii kiba shalan ia u shynrai kum sha America, sha Europe bad kine ki tip bha bad ka jingdon jong ki ka long ban iamir jingmut khnang ban ioh ia ka jinghikai.
