Shillong, Risaw 04: Ka kynhun tohkit kaba ar ngut ban tohkit ia ka jingkynnoh ba ka don ka jingdawa pisa ban ioh kam nurse ha MCH Hospital Nongstoin kan sdang la shai ka sngi 5/Risaw/2026 bad kin pynkut ban shim ia ka jingwan ai shakhi na ki riew paidbah ha ka 9/Risaw/2026.
Ka Kynhun tohkit ka sdang ban shong naduh la shai ka sngi ka 5/Risaw/2026 ha kamra No. 108 ha ophis jong ka Deputy Commissioner jong ka West Khasi Hills District bad ka por shong kan long naduh ka por 10.00 baje mynstep haduh ka por 4.00 baje jan miet.
Ki thymmei khubor kiba la ioh da u SP News Agencym ka kynhun tohkit kala phah da ka jingthoh sha kiba kynnoh bad kiba shah kynnoh ba kin wan ai ia ki sakhi ha ka kynhuntohkit bad kumjuh kito kiba shahkhot interbiew naka bynta ka kam nurse ha MCH Hospital Nongstoin.
Kane ka kynhun tohkit ka kynthup ia u Superintendent ki pulit ka West Khasi Hills District bad Executive Magistrate bad kane ka kynhun tohkit ka long ban bishar ia ka jingshah kynnoh ba ka don ka jingiasiew pisa ban ioh kam nurse sha MCH Hospital Nongstoin.
