Maligaon, Risaw 04: Ka Northeast Frontier Railway (NFR) kala dang pynkhlian iaki lat jingiada na ka jingiatyngkhuh ki Hati bad ki rel da ka jingiatreilang bad ka tnad khlaw naduh u bnai Kyllalyngkot haduh Nailur 2026 la lait na ka jingiatyngkhuh bad ki hati haduh 255 tylli.
Kane ka jinglait na ka jingiatyngkhuh ka long, 106 ha ki bynta jong ka Alipurduar Division, 14 ha ki bynta jong ka Rangiya, 122 ha ki bynta jong ka Lumding bad 15 tylli ha ki bynta jong ka Tinsukia Division, ka tnad rel kala shim bun ki lat jingiada ban lait na ka jingiatyngkhuh ki hati bad ki rel.
Kane ka jinglah ban pynduna ia ka jingiatyngkhuh ki hati bad ki rel ka long ba kila pyndon kam ia ka AI-based Intrusion Detection System (IDS) bad ki pyndonkam iaki kor Distributed Acoustic System (DAS) kiba pyntip lypa ia ka por ba ki iaid ki hati khlaw bad kane kala iarap shibun ban tip ia ka por ban iaid ki rel bad ka jinghikai kaba man ka por ia ki nongtrei ha tand rel.
Ka tnad rel kala shna ruh ia ki jaka ba kin iaid ki hati khlaw bad ki hati kin nym iaid na ki lynti rel, ka jinghikai ia baroh kiba don bynta ha kaba peit ia ka lynti rel bad ka jingpynkhuid ia ki khlaw ha kilynti rel bad la khang ban bret jingbam ha jan ki lynti rel kiba lah ban khring ia ki hati ban wan bam.
Ka Northeast Frontier Railway kan dang pynbha shuh shuh ia ki lat ki lynti da kaba pyndon kam ia ki kor kibor kane ka juk mynta khnang ba kan nym don ka jingiatyngkhuh ki hato bad ki rel ha ka por ba ki iaid ha baroh ki bynta ka thain shatei lam mih ngi ka Ri India.
