Shillong, Risaw 11: U samla Alerick Kharjana Education Secretary ka KSU seng kmie u la phah da ka jingthoh sha u Chief Engineer ka PWD ba dei peit ia ka surok ban dawa ba dei ban weng ia ki pandal na shna ha ki surok paidbah.
Ha ka shihti kaba la phah sha u Chief Engineer na ka liang jong ka seng KSU ka thoh shai ba ki don ki jingshna kiba shipor ia ki pan dal kiba tam sha surok kiba hap hapoh ka jingpeit jong ka PWD.
Kane ka jingdon kine ki pandal kiba la shna tam haduh surok kala pynthud ia ka leit ka wan jong ki paidbah ia ki kali kiba iaid ba ieng khamtam ha ki jaka ba ka surok kala khap ngiah lypa.
Namar kine ki jingeh ka KSU ka kwah ban ioh ba ka PWD ka dei ban weng ia ki Pandal kiba la shna tam sha surok kiba la pynwit ia ka iaid ka ieng ki paidbah bad ha ka juh ka por ka PWD ka dei ban da buh ia ki jingbthah ban shna ia ki jingtrei ba shipor.
Na ka liang ka seng ka seng ka ong ba lada ka PWD kala ai jingbit ruh ka dei ban pynthikan ba kam dei ban ktah paidbah ia ka iaid ka ieng jong ki paidbah namar kane ka ktah ia ka jingshngian kiba iaid ba ieng ki paidbah.
