Shillong, Risaw 14: U President ka seng ki nonghikai Khasi Jaintia Deficit School Teachers Association u bah Boswell L. Pala u la ong ba ka seng kam hun ia ka shihti kaba la phah da ka sorkar kumta kin dang pynjur shuh shuh ia ki jingiakhih.
Haba kren ha ki lat pathai khubor mynta ka sngi ka 14/Risaw/2026 ha Shillong Press Club la ong ba ha dien ba kila ioh ia ka shithi na ka sorkar mynta ka sngi ki nongialam ka seng kila ia kynduh kyrkieh bad ha dien ba kila ia kren sani kin pdiang ia ka rai jong ka sorkar bad kin dang pynjur ia ka jingiakhih.
Haba ia dei bad ka Dearness Allowance kaba dei 43% kam dei kaba thymmai ka dei jong u snem 2024 bad mynta kala iaid jan lai snem bad kane ka kren shai ia ka jingleh buittuh jong ka sorkar, ha ba ia dei bad ka skhim bai bam tynmen jong u snem 2026 ki kim paidiang.
Haba ia dei bad ka jingthoh ba ka sorkar ka long kaba la kloi ban ia kren ia kane ki shu ioh tang ha ki lat pathai khubor hynrei kam shym don kata ka jingphone ne kren ia ki haduh ba ki kren ha ki lat pathai khubor.
U President ka KJDSTA u la ong ba u la ioh ban ia kren ruh bad ki nonghikai na Garo Hills ha kaba ki ruh kim pdiang ia kane ka jingleh jong ka sorkar, na ka liang jong ki ki kynnoh ba kane ka dei ka jingleh kyllain jong ka sorkar.
