Shillong, Risaw 21: U bah Bansiewdor Nonglang shongknor ka Green Teck Foundation ba deiruh u khot jong ka Joint Action Committee ban pyrshah ia ka jingshna ia ka Ropeway ha Lum Shyllong la ong ba ka jingmut jong ka ka long shai ba kam dei tang ki nongshong shnong ka Laban.
Haba kren ha ki latpathai khubor mynta ka sngi ha Shillong Press Club u bah Bansiewdor la ong ba ha ka JAC ki don ki nongshong shnong ka Laban, Lawsohtun, Jaiaw bad na ki nongshong bapher bapher ka sor Shillong la ong ba kata ka dei ka jingmut jong ka Joint Action Committee ba ia dei bad kane ka jingiakhih ban pyrshah ia ka Ropeway.
La ong ruh ba ka sorkar kala khot ia ka jingiakren la shai ka sngi, hynrei na ka liang jong ka JAC ka kren da kaba shai namar ki mut ban leh da ka buid ban pyniapaid ia pra bad kin mym lah ban pdiang ia kane da lei lei ruh ymdei ba kren da ka ktien hynrei u pyni ia ka shihti kaba la soi da u Joint Secretary ka sorkar Meghalaya.
U bah Bansiewdor u la ong ba ki don ar tylli kiei kiei, kata ka long ha ka number 17 ka kren shai ba kino kino ki ban leit sha ka jingialang kan long tang kiba sah ha jan u lum Shyllong kiba dei ki hynniew tylli ki shnong bad ia ka shnong Lawsohtun la pynlait noh.
U bah Bansiewdor u la ong ba kan nym don nongrim ban khot ia ka jingialang tang jong ki katto katne ban rai ia ka jaidbynriew, la ong ba pynsngeh shuwa ia kane jingialang la shai ka sngi khot ia baroh kiba don jingiadei bad kilah ban pynpoi shiphew lak ngut bad kin sa ia rai dih um ne ia shong Ropeway.
