Kohima, Risaw 25: Ka jylla Nagaland ha sien kaba nyngkong ba kala ioh ia ka Five Star Hotel kaba 56 kamra ha ha Kohima kaba la ai kyrteng Polo Hotel Kohima ia kaba la plie da u lat ka jylla u Nand Kishore Yadev kum u kongsan.
Haba kren ha kane ka sngi plie u Lat ka jylla u la ong ba kane ka Hotel ka kren kham jam ban ia kane ka jingplie ia ka namar kane ka kdewshai ba ka jingwan seng kam kan plie lati a ki briew ha ka ioh kam ioh jam ban pdiang ruh iaki wan kai sha kane ka jylla bad kane ka dei ka lat ka ban plie ia ki briew ha ka kamai kajih namar ka jylla ka don shibun ban khring ha ki jam jngohkai pyrthei.
Ka kam jngohkai pyrthei kam dei tang ba ki briew kin wan hynrei ka plie ka lat ia ki ba kin wan bad tip ia ka jaka bad kane ka pynioh nong ia ki trai jylla bad ka jingkiew ka kam jngohkai pyrthei kan kyntiew ban die ia ki jingpynmih ia ki mar ki mata na ka jylla bad kane kan plie ka lat ha ka ioh kam ioh jam.
Haba phai sha ka nongbah Kohima la ong ba kane ka jaka ka long kaba biang bha ba ki briew kin wankai, kin ioh ia ka jinglong tynrai, ka khaii pateng bad khatam ka don kane ka Tamasa Hornbill kaba pyni ia ki tynrai jong ka jylla Nagaland
Ka jingdon kum kine ki jaka sah kan iarap ia ka jylla ha kaba khring ia ki nongwan jngohkai pyrthei, u khimih lynti ba kiba pyniaid kin pynneh pynsah ia ka jingkhuid jingsuba katkum kane ka juk kaba mynta bad ban ai ka jingshakri ia ki ba wan da kaba phuh samrikhi.
U Myntri ba dei peit ia ki kam jngohkai pyrthei u Temjen Imna Along ha ka jingkren jong u u la ong ba kane ka jingdon ia ka Five Star Hotel kan dang kham khring shuh shuh ia ki briew bad kane kyntiew ruh ia ka jingioh ka jylla bad la ong ba ka sorkar kan ia treilang bad kane ka Polo Hotel Group.
Ia kane ka kompeni la sdang ha Shillong ha u snem 1991 bad mynta kala pyniar ia ka jingtreikam jong ka, sha ka jylla Tripura, Kolkatta bad mynta kala ioh ban pyniar ia ka jingtrei kam jong ka sha Nagaland ha Kohima.
