Shillong, Risaw 27: U Myntri Rangbha ka jylla u Conrad K. Sangma haba kren ha ka jingialang paidbah ha Laitlyngkot u la ong ba ka jingshna ban pynheh ia ka Kad Liengsuin ha Umroi kala dang iaid shakhmat bad khmih lynti ban pyndep kloi.
U Myntri rangbah u la ong nalor kaba la don la donkam shuh ka jaka sa 550 Meter na ka bynta ban her ki liengsuin bad ban shna sa kawei pat ka Terminal bad ka jingtrei ka long hapdeng T.500/- haduh T.600 klur/- tyngka bad kane ka kam kala iaid sha khmat.
U Myntri rangbah u la ong ha ka jingshisha ia ka jingtrei la dei ban pyndep mynta u snem hynrei ki don ki bynta kiba ym lah ban iohi lypa kum ka kam jaka kane ka shim por hynrei mynta la lah ban pynbeit ia baroh bad khmih lynti ba ha u bnai Risaw jong u snem ban wan ki lah ban pyndep kane ka dei ka jingkhmih lynti u la ong.
Ynda kane ka Kad Liengsuin la lah ban pyndep kin sa don ki liengsuin kiba heh ki ban hiar beit ha kane ka jaka ki ban wan na Delhi, Mumbai, Bangalore bad kiwei kiwei ki jaka bad kaba kongsan ka long ban pyndep ia ka jingtrei bad ynda kila plie kata kan long ka sngi kaba kongsan tam.
Halor ka jingkren ka kong Syrpailin ka khun jong u bah B.B. Lyngdoh ia ka jingkular u bah D.D. Lapang ban jer kyrteng ia ka Umroi Airport sha ka B.B.Lyngdoh Airport ia kane u myntri rangbah u la ong ia mynta ka kamram kaba ha khmat eh ka long ban pyndep ia ka jingtrei ynda la dep ia ka jingtrei kin sa ia peit
