Delhi, Risaw/27: Ka bynta ba 11 jong ka India-Indonesia Joint Special Forces Exercise Garuda Shakti kala dep long ha Banyuwangi, Indonesia. La ong ba ia katei ka prokram, la dep long naduh ka 27/Risaw haduh 06/Naiwieng/2026. Katba ka kynhun shipai India ka kynthup iaki shipai na ka Parachute Regiment (Special Forces), hynrei ka kynhun shipai Indonesia, ki kynthup iaki shipai na ka Indonesian Special Forces.
La pynlong ia kane ka prokram na ka bynta ka jingthmu ban pynskhem iaka jingiasngewthuh jingmut hapdeng ki ar mamla, jingiatreilang bad jingiahap jingmut hapdeng kine ki kynhun shipai jong kine ki ar tylli ki ri. Katba iaka jingai jinghikai ka dei halor ka jingpyn leit jingmut shaphang ka buit, ki rukom treikam bad ki rul na ka bynta ban leit pyntbit ialade ha kaban iakhun pyrshah iaki nongshun ha ki jaka ba long khlaw.
Kane ka jinghikai ka kynthup lang iaka jingryngkang iaki jingeh, ka jinghikai ban siat kaba paka ha ka thma, ka jingleit kiew lum, ka jingpyntbit iaki shipai ban hiar thma na ka suin kaba kynthup iaki eroplein ne helikoptar bad ki jingpynmlien ban pynneh bad pynkhlain iaka bor met bad bor pyrkhat ha ka por thma. Ka kynthup ruh iaka jingiasyllok bad ka jingiapyni iaki sap ki jingtbit bad ki khubor shaphang ki tiar ialeh thma, ki tiar ki tar bad ki rukom treikam bad rukom ialeh thma.
Ka jingiasynran lane ka jingiapynbit pynbiang lang kan kut da ka kam ban pynskhem kaba la shna kyrpang ban pynsyriem iaki rukom treikam kiba shisha bad ban bishar iaka jingshah, ka jingiatreilang bad ka jingpynkhreh iakhun jong baroh ar tylli ki kynhun.
Kane ka jingiapynbit pynbiang kan nang pynkhlain shuh shuh iaka jingiatreilang ha ka liang ka jingiada bad iaki jingiadei lane ka jingiateh paralok hapdeng ka ri India bad Indonesia.
