Shillong, Risaw, 28: Ka Commissioner Secretary ka kong R. M. Kurbah IAS, kala ong ba ka sorkar kala ujor da ka ejahar pyrshah ia ki briew kiba leit rung jubor ha ka jaka sorkar ha ka 27/Risaw/2026 ba don ki nongtrei Ropeway bad la leh ia kane katkum ki sakhi satar pyrshah ia kito ki nongkhang ia katei ka jaka sah ki nongtrei.
Ka Commissioner kala ong ba ia kane ka Shillong Ropeway la sdang ban pynwan dur naduh u snem 2022 bad hadien kata ha ka 2024 la buh ia u maw nongrim da ka President jong ka Ri India, ka Draupadi Murmu ha kaba la don lang u Myntri Rangbah ka jylla, u Conrad K. Sangma.
Haba kren ha ki lad pathai khubor ka kong R. M. Kurbah kala ong ba kala don ka jingiamir jingmut bad ki paidbah ha Lum Shadsngi ia kata ruh kala dep leh, haba dei bad kane ka Ropeway, la pynshai ba ki don ar tylli ki jaka ka bynta ba shajrong ka hap ha ka jingpeit jong ka Dorbar Raid Laban bad ka bynta kaba shapoh ka dei ka jaka sorkar.
Ka kong Kurbah kala ong ba ha kaba iadei bad ka jingjia ha ka 27/Risaw/2026 kaba kila leit rung ha katei ka jaka ka sorkar kala shim iaka sienjam ba kan leh namar ba kam dei ban leh kumto namar ka kam ym shym la pyntrei hangto kato ka jaka ba ki leit hynnin ka dei ka jaka ba ki sah bad katkum ka kyndon ba la buh ka Asian Development Bank ba shwa ban sdang iaka kam dei ban don ka jaka sah.
Ka Commissioner ka tnad jngoh kai pyrthei kala ong ba kato ka jaka ka dei tang ka jaka sah bad ba kin peit ba kan biang kan don ka jingshngain iaki nongtrei ym dei ba kila sdang iaka jingtrei kumba la kynnoh la pynshai ba haduh mynta ym pat don kata ka jingtih ban sdang la ha ka dei ha ki bynta ba shajrong ne ha ki bynta ba shapoh kiba don hynriew tylli ki paia.
Iaki jingtrei kim pat sdang namar ba ki dang hap ban ap namar ba u kontraktor uba ioh ia kane ka kam u dang aplai iaka Trading Licence ha u bnai Jymmang mynta u snem iaka NOC la ioh na ka Raid ha ujuh u bnai bad la aplai ruh ha ujuh u bnai ha KHADC, kala bthah ba dei ban ioh ruh iaka jingthoh na u Syiem Mylliem ia kata ruh kila leh.
Dei ha u bnai Naitung ba kila ioh iaka jingthoh na KHADC bad dei ha u Nailur ba kila ioh ruh iaka jingmynjur na ki san kur bad khatwei kur kumba la phah kata ka dei ka kam jong ki kaba kim don eiei ban ong hynrei kato ka jaka ba don ka jaka sah jong ki nongtrei ka dei ka jaka jong ka sorkar bad ba kin shu rung sha ka jaka jong ka sorkar bad ba kin iuh roit iaka hok jong ka sorkar kaba ka sorkar mynta kala shimkhia.
Haba iadei bad kane ka jingjia, ka sorkar kala ujor pyrshah ia kito ki briew ba leit rung jubor ha ka jaka sorkar la ai da ka ejahar ha ka 27/Risaw/2026 pyrshah ia kito kiba leit khang la leh ia kane katkum ka sabut kiba ka sorkar ka don ia kito kiba leit khang ia kato ka jaka.
