Shillong, Risaw 28: Uwei na ki nongwad RTI u bah Arious Basaiawmoit u la ong ba un sa ujor sha ka tnad sam um ka sorkar India ha kaba iadei bad ka jingpyntreikam iaka skhim Jal Jeevan Mission ha Eastern West Khasi Hills District ba dei jong ka Mairang Public Health Engineering Division Mairang namar iaki jubab RTI la tah sia lieh.
Haba kren ha ki lad pathai khubor ha Shillong Press Club u la ong ba ka long kaei kaei kaba ym lah ban mutdur ba ka ophis jong ka PHE Mairang Division kala tah sia lieh haba ai iaka jubab kala don haduh 1300 sla bad u la siew ruh iaka bai xerox ha katei ka ophis.
U la ong ba ym don eiei pyrshah iaki nongtrei ka PHE hynrei kaei kaba u kwah ka long ba ai ki paidbah kin ioh iaka hok kaba ki dei ban ioh, ha kane ka jingpyn poi um sha ki iing ki iing ha ki shnong bapher bapher hapoh PHE Mairang Division don bun tylli ki shnong ka top um ka don ym don pipe um, ki pipe um ki don ym don top um.
U bah Arious u dawa ba dei ban don ka jingialeit jurip lang ia kine ki skhim kiba la pyntrei hapoh ka Mairang PHE Division kumba ka paw na kane ka jingjubab ba kan don kata ka jinghynniew burom ia kiba pan iaka RTI iaki skhim sorkar.
U la ong ba kane ka dei tang ka jingsdang bad nangne shakhmat, kin nang wad shuh iaki skhim ba la pyntrei hapoh Eastern West Khasi Hills District, na ka liang jong u un nym shong kli kti hynrei un wad iaka jingshisha lyngba kane ka RTI Act 2005 jong ka sorkar pdeng.
