Shillong, Risaw 28: Mynta ka sngi la plie iaka jingai tika ha kane ka jylla Meghalaya ban iada na ka jingpang bampong ia kane ka jingialang la pynlong ha ophis jong ka DERT ha Malki ha kaba ka Country Director Girls Effect ka Kavita Ayyagary kala pynshai haba iadei bad kane ka Girls Effect.
Haba kren ha kane ka jingialang, ka Kavita kala ong ba kane ka Girls Effect kaba la don mynta la 25 snem ia kaba la pynlong da ki lai tylli ki kynhun bad ki trei na ka bynta ka koit ka khiah jong ki kynthei ba dang sdang khie samla la ka long ha ka pule puthi ka koit ka khiah lane ha ka kam ka jam namar kane kan iarap haba kila heh la san.
Kala ong ba ha India kila sdang ha u snem 2019 bad kaei kaba ki trei ka long beit na ka bynta ban kyntiew iaki kynthei, kala ong ba ka jingtreikam jong ki ha baroh ka Ri India kila ioh ban ia ai ka kti kamon kti kadiang sha ka 78.5 million ki kynthei bad kane ka jingtreikam jong ki, ka jinghikai ka long online bad offline lyngba ki lad bapher bapher.
Kum ka kynhun ki leit kylleng ban iamir jingmut ban iakren bad ban sngewthuh iaka jingeh kaba ki kynthei ki iakynduh kum ka jingduna snam bad kane ka jingiatrei ka long ha ki skul bad ki shnong ki thaw bad kane ka jingleh ka long ban sngewthuh kaei ka jingdonkam katkum ki jaka hangta ki sa pyntreikam ia kaei kaba bha tam na ka bynta ki kynthei ha kito ki jaka.
Ha kane ka sngi na ka liang jong ka sorkar la don ka Dr. C. Iangrai Director of Health Services ka Dr. B. R. Marak, State Immunization Officer bad ka Vaibhava Anand Sharma, IAS kala wan ban mihkhmat sha kane ka jingialang na ka bynta ka ophis Deputy Commissioner ka Ri Bhoi District.
