Shillong, Naiwieng 04: Mynta ka sngi 04/Naiwieng/2026 ki nongialam ka Joint Action Committee kila byrngem ba lada ka sorkar kam pyndam noh ia ka jingshna ia ka Ropeway ha Lum Shyllong kaba T.151 klur/- tyngka kin pynlong noh da ka jingiakhih shong kyllain mungor.
Ka President jong ka JAC ka kong Deborah Marbaniang ka kyntu ia ka sorkar ba kan burom ia ka jingsngew ki paidbah bad ha kajuh ka por ka kyntu ia ki bor jong ka Riat Laban ban weng noh ia ka soskular aiwai ia ka jaka sha ka sorkar.
Na ka liang ka JAC la ong ba kin ieng skhem ha ka nongrim ban nym shah ban shna ia kane ka Ropeway, la ong ba ki rangbah shnong ki dei tang kita ki nongri nongsumar hynrei na ka liang ka JAC kala kynnoh ba kila die lilam ia ki khlaw ki btap khlem da don kano kano ka jingkitkhlieh.
Na ka liang ka JAC kala byrngem ban nang pynjur ia ki jingiakhih bad la ong ba ia ka sorkar la jied da u paidbah kumta ki dei ban burom ia ka jingsngew ki paidbah hynrei na ka liang ka JAC haduh mynta ka sngi kim pat pynbna paidbah ia ki rukom jingiakhih ha kine ki sngi ki ban sa wan.
