Ampati, Naiwieng, 11: Ha kawei na ki jingjam kaba kongsan na ka bynta ban kyntiew iaka jingrep riewhadem, ban pynkiew iaka dor jong ki mar rep bad ban pynkhlain iaka jingim jong ki nongkyndong, la buh iaka Millet Processing Unit ha shnong Matalagre hapoh ka 6/Naiwieng/2026.
Ia kane ka jaka pynkhreh mar la pyntreikam da ka District Agriculture Office, South West Garo Hills, da ka jingthmu ban kyrshan iaki nongrep ha kito ki thain lyngba ki tiar pynkhreh mar kiba bha bad ban ai mynsiem iaki ban rep bad pyndonkam ia u riewhadem.
La khmih lynti ba kane ka jaka kan iarap iaki nongrep ban pynkiew iaka dor jong ki mar rep jong ki, ban pynbha iaka rukom sumar iaki mar hadien ba la ot bad ban plie lad kham bha na ka bynta ka jingmih kamai.
Ia kane ka Millet Processing Unit yn pyniaid bad sumar da ka Matalagre Chiripram IVCS, kaban peit bniah iaka jingtreikam jong ka bad ban pynthikna ba kane ka jaka kan ai jingmyntoi iaki nongrep ha katei ka thaiñ.
La khmih lynti ba kane ka jingpyrshang kan ai mynsiem iaka kam rep ha katei ka jaka, kan kyntiew iaka rukom rep kaba neh slem bad kan pynkhlain iaki lad kamai jakpoh jong ki nongrep lyngba ka jingiatreilang bad ka jingpyndonkam bha iaki mar rep.
