Ampati, Naiwieng, 11: Ka Sadina Sangma, ka dkhot jong ka Self-Help Group (SHG) na ka shnong Chelipara hapoh ka Betasing C&RD Block, kala sdang ha ka kam rep ia u tit bad kala long ka nuksa kaba bha tam ha ka kam pynroi bad ka ioh ka kot ha ki bynta kiba hapoh ka shnong.
Hadien ba kala sdang ban kheit ia u tit, kala sdang ban die ia u tit uba khuid ha ka shnong jong ka. Kane ka pynioh iaka lad kamai ja kpoh bad ka pynthikna ba u tit uba khuid u lah ban poi sha ki briew ka shnong.
Ha katei ka jingrep ia u tit kala ioh ka jingiarap ruh na ka sorkar, ha kaba iaka iing rep u tit, la ai da ka jingiasyllok bad ka VB-G RAM G, lyngba ka jingiarap bad ka jingpyniasaid ka Block Development Officer (BDO), Betasing C&RD Block, ka C. R. N. Sangma.
Kane ka jingsdang jong ka, ka pyni ba ka kam rep tit ka dei ka lad ba skhem ban pynkhlain iaka ioh ka kot iaki kynthei bad ka pynpaw ba ka jingiarap ba kyrshan da ki tnad sorkar ka lah ban pynkhlain iaki dkhot SHG da ki lad ban pynioh pisa.
