Shillong, Naiwieng 11: Mynta ka sngi 11/ Naiwieng/2026 ka seng ki nonghikai ka Khasi Jaintia Deficit Schools Teachers Association kala sdang ia ka jingiakhih kaba khlem buh por ban pynbor ia ka sorkar ba ka dei ban ai ia ki jingdawa kaba dei hok ka jong ki.
U President ka seng u bah Boswell S. Pala haba kren ha ki lat pathai khubor mynta ka sngi u la ong ba da ka jingdiaw mynsiem ki hap ban ialum ban iakhih namar ki don shibun ki mat ha kaba iadei bad ki skul deficit ia kiba la dei ban urlong naduh ki snem kiba la dep hynrei ki dang sah haduh mynta.
La iathuh ba ka sorkar kala phah ia ka shihti sha ka seng bad ha ba ki plie ia kata ka shithi ki lap ba ka dei ka shithi kaba shu pynkylla khyndiat namar ka dei kaba kila phah teng shibnai mynshuwa namar ki dei ki juh ki phang da kaba pynkylla khyndiat, ia ka DA la ong ba ki dang pynkhreh, kaba sngewsih bad ki mong ka long haba ki kren ia ki kam thok bad jler ki ophisar la ong u President ka KJDSTA.
Haba iadei bad ka jingpyntreikam ia ka Centralised Provident Fund Scheme pat na ka liang jong ka KJDSTA kala ong ba kala don kaba dei jong u snem 2023 ia kaba ki nonghikai kila mynjur ka sorkar hi kala tyrwa, kaei kaba jia mynta ki sdang ban wohdong ia kata ka Board of Trusties ha kaba na ka liang jong ka seng ka ong ba ka dei ka bym shong hok.
Ka jingleh ka sorkar ban pyniahap jubor bad kata ka Act 1969 ka khlem ong katno sien lah ban thaw ia ka Board hynrei ki khlem peit ia ka Bylaws jong ka Board of Trusties kum ka seng kim sngew iahap ia kata, ki khmih lynti ba ka sorkar kan sngewthuh bad ki ngeit ban don ka jingkut ia kane ka jingiakhih.
