New Delhi, Naiwieng 20: Ka khla kynthei ka Cheetah kaba la ar snem shiteng KOMG 3 mynta ka sngi kala kha saw tylli ki khunkhla bad kane ka long ka jingiaid sha khmat kane ka skhim ban pynroi ia ki kine ki khla ha India.
U myntri ka sorkar pdeng u ba dei peit ia ka mariang u Bhupender Yadav la ong ba ka khla kynthei ka Cheetak kaba la wan rah na Botswana kala kha saw tylli ki khun khla bad kane ka dei ka sien kaba ar kaba la khla ha khlaw naduh bala sdang ia kane ka skhim ha u snem 2022.
U Myntri ka sorkar pdeng u la ong ba da ka jingkha ia kine ki saw tylli ki khun khla ka jingdon ki khlaw Cheetak ha ka Ri India kala kiew sha ka 62 tylli, kane kynthup ia ki 42 tylli kiba dei na India bad kane ka dei ka dak ka shien ban pynkiew ia ka jingdon kine ki khla ha ka ri.
U Myntri ka tnad pynneh mariang u la ong ba kane ka jingkha mynta ka sngi ka wanrah ia ka jngkyrmen ban leh ia kane don kam ban iai shah bad u ai ka burom ia ka jingtrei shitom jong ki briew kiba don ha kane ka kam naduh kiba rit haduh kiba heh kiba trei ha kane ka skhim.





