Nongstoin, Jymmang 05: Ka Hynniewtrep people social organisation West khasi Hills District ka dap da ka jingsngewkhia halor ka jingtuklar jong ka National Green Tribunal (NGT) ha kaba iadei bad ka jingtih dewiong. Kane ka jingtuklar jong ka NGT ka ktah ia kiba bun balang khamtam bun na u paidbah hapoh ka thain u rit u ria u shaniah ha kane ka kam ban pyndap ia ki jingdonkam ia ki khun ki kti ban ioh jingnang jingstad, ym dei tang ia ka ioh ka kot hynrei ka ba ma ka long lada yn pyn snageh ia ka jingtih dewiong kumba long mynta kan wanrah shibun ki jingsngiew kum ka tuh ka thiem, ban lute, ki kam lehnoh namar ba la ban ka jingduk.
Lada na ka liang ka National Green Tribunal (NGT) ka lah ban bsa ia kine ki nongbylla sngi lane kiba im ha kaba bylla da kaba tih dewiong ngi sngew ba ka dei ban leh lym kumta kam dei ban shu tuklar kulmar da bishar bniah shuwa ban leit sha ka ain. Kaba sngew lyngoh na ka liang ka seng ka long balei ka NGT kam tuklar ha kaba iadei bad u Uranium ha kaba ka sorkar India lyngba ka sorkar Meghalaya ka ialeh ban pyrshang ban tih ia u Uranium na Domiasiat u ba don ha West Khasi Hills, Une lei lei u long uba kham khraw ban ia kaba tih dewiong.
Imat ka don kaei kaei sha lyndet jong ka NGT ban tuklar ia kane ka kam bad ka paw ruh ba ki don katto katne ki ba kwah ban pyniap ia ngi bad ban knieh noh ia ka pliang ja jong ngi. Lada kum kane kan wan jia ha ei ka lawei ki khun ki kti jong ngi? Kane ka la dei ba ngin kyndit bynriew noh ban mih sha khmat u wei pa uwei lym kumta ngin sa jah noh bad khatduh na ka liang ka seng ka kyntu ia ka NGT ba kan pynsangeh noh lym kumta kan hap ban bah khlieh ia uwei pa uwei uba shaniah ha kane ka kam.
Ka seng kan mih sha khmat lada u paidbah u kloi ban ai kti kamon kti kadiang halor kane ka kam hynrei te kam don jongmut ia ka seng ban mih sha khmat lada ki paidbah kim ai jingkyrshan namar ngi trei na ka bynta jongphi ym na ka bynta jongno jongno ruh pynkut ka kyrwoh na u C.Nongrem Secretary Hynniewtrep people social organization, West Khasi Hills District.(SP News)
