Shillong, jymmang 15: Ka Khasi Student Union (KSU) jong ka South West Khasi Hill district ka pyrshah jur iaka jingthmu jong ka sorkar ban buh ia ka jaka sah jong ka wei ka seng lehnoh na Garo Hills ka ANVC-B hapoh South West Khasi Hill district.
U bah Robert K Jahrin president ka seng u la ong kine ki lehnoh ANVC-B ki don la ka jong ka bynta ha Garo Ym Khasi, bad lada kine kin ioh iaka jaka ba kin shong kin ioh ban leh katba mon, bad ki don ki bynta kiba shong ba sah ki Garo hynrei kine ki dei tang ki nongshong shnong ym ki trai shnong bad ki Garo kim lah ban leh trai shnong hapoh Khasi.
Lada kane ka ktem lehnoh kan ioh jaka kin mih mih bun ki ei kiei kum ki jingtuh jinglute , jingkitdap ka jingkhaii drugs bad ki wei kiwei ki jingma kiba ap, bad ruh lada kine kin ioh ban leh trai khlieh hakine ki district ka long kaba sngewsih.
Ngin ap artaiew na ka sorkar ba ka dei ban weng bad pynkylla noh ia kane kaba ka sorkar ka la thmu, ki Garo ki don la bynta bad kin leit sha ka jaka la jong ong u bah Robert.
U John Fisher Nongsiang president jong ka Khasi Student Union (KSU)West Khasi Hill District haba kren ha kane ka sngi u la ong ka seng ka la ioh ia ka shithi na u chief Secretary hakaba iadei bad kane ka jingthmu ban buh ktem leh noh ANVC-B ha west Khasi Hill district.
Dei ruh na ka liang jong u chief Mister jong ka Jylla u ba la ailad ia kane ka kynhun ban buh ia ka ktem ha kane ka District, ka jingpyrshah jong ki ka long namar lada kine ha kiba bun hi bynta ki shait leh ia kai kam pyntriem ong u bah Nongsiang.
U bah John u la ong ruh halor ka jingwengnoh ia ka outpost ha ki artylli ki jaka ha langpih bad ha Kyrshai ka long kaba sngewsih namar bun ki paidbah lada ki donkam kyrkieh kin hap ban leit shaduh Nongstoin outpost.
Ka seng ka ai por ia ka sorkar ba ka dei ban buh biang ia kane ka outpost hapoh kyrshai, bad lada ka sorkar ka kam sngap bad kam lah ban leh ia akne kin pynlong ia ak jngiakhih la pynkut u bah john(SP News)
