Shillong 5 Nailar: Ka tnad jngohkai ka ri ka la pynshlur bad ai mynsiem ia ki briew na ka bynta ban shim ia ki skhim na ka bynta ban pdiang ia kai nongwan jngoh mkai pyrthei
U Sanjay Shreevats Deputy Director jong ka India Tourism badei peit ia ka thain shatei lam mihngi u la ong ba kane ka skhim ka long kaba pyntreikam na ka bynta ki briew kiba kwah ban shna kum ki jaka sah ia ki nongwan jngohkai pyrthei ha iing jongki.
Kito kiba kwah ban shim ia kane ka skhim, ki dei ban don ki kamra ba la buh kyrpang bad ki jingdonkam ba lah ban ioh ia ka jingbatai na kane ka tnad.
U Sanjay u la ong ba ka kam jngohkai pyrthei ka dei kawei na ki lad ban thaw kam thaw jam bad kaba ai kam ai jam ia ki samla kum ka karkhana kaba heh bha.
U la ong ruh ba ka don ka jingiasoh bad ka roi ka par jong ka thain bad ka jylla bad ka .Kumba long mynta ka kam jngohkai pyrthei ka paw bha ha ki jaka nongkyndong ha ka ri India bad ka jylla Meghalaya ruh ka al dei ak wei ka jylla kaba la paw ha ki kam jngoh kai pyrthei .Kawei na ki lad ban kyntiew ia ki nongkyndong ka long ka jingkhuid nalor kiwei pat ki jingitynnad ba la buh ka mariang bad ka jinglong jong kibriew.
U Sanjay la kyntu ha ki lad pathai khubor ba kin long ki nongsaphriang khnang ban kyntiew ia kane ka kam jngohkai pyrthei. “Tang ka sorkar ym lah ban leh,hynrei ka donkam da ka jingiatreilang bad ki paidbah ban pynurlong”,.
Ka Kong Daphi Syiem Information and Publicity Officer ba dei peit ia ka tnad jngohkai pyrthei ka la ong ka sorkar Meghalaya lyngba ka tourism policy 2012 ka la pynmih ia ki skhim na ka bynta ki briew kiba don jingmut ban leh ia ia kane.(SP News)
