Shillong, Lber 10: Ki shipai kiba don ha East Garo Hills ki la siat iap ia ki lai ngut ki briew ia kaba la kynnoh ba ki dei ki dkhot jong ka ANVC(B) ha East Garo Hills ha ka sngi saitjain mynstep.
Naka liang jong ki pulit SWAT ha dien ba la ioh ia ka jingtip kaba bniah la leit ban ker kut ia kawei ka iing kaba don ha Dobu. Haba ki lehnoh kila iohi ia ka jingwan jong ki pulit ki la sait bad ha ka jingiasiat markylliang lai ngut ki lehnoh ki la kyllon iap.
Katba kiwei pat ki lehnoh kiba ia don lang ha kane ka jaka ki la ioh ban phet. Ki Pulit ki la ioh ban kurup na kane ka jaka lai tylli ki pistal kiba la shna ha China.(SP News)
