Shillong, Iaiong 01: Ka myntri kam poh iing ka jylla ka Kong Roshan Warjri mynta ka sngi ka la ong b aka sorkar ka la iohi ia ki jingthoh baroh kiba mih ha kaba ia dei bad ka jingshah leh beijot jong ki riew kynthei ki khynnah ha kane ka jylla Meghalaya, na ka liang jong ka sorkar ka shim khia bha ha kaba ia dei bad kane ka kam bad la bthah ia ki pulit ba kin shim ia kane ka kam kum ka kam kaba ha khmat eh ban rat dyngkhong ia kane ka kam sniew.
Na ka liang jong ka sorkar ka la wad ki lad ki lynti baroh ba tem ia kane ka kam sniew ka la pynsuh jer ia ka imlang sah lang. Naka liang jong ka sorkar ka la pynkhreh mynta ban buh ia ki shnat kaba kyrpang ia kaba la tip kum ka Special Juvenile Police Unit ha baroh ki district ha ka jylla.
Ban pynkloi iaka jingbishar ka sorkar ka la buh ia ki Fast Track Court ha Shillong, Tura bad Jowai bad ia ka iing bishar kaba kyrpang la buh ha nongstoin ban tian bishar ia ki kam kynnoh bat bor . Haba ia dei bad kaba ha Tura u nongbisahr u la resign na ka kam bad la thung da u wei ha kaba u la shimti mynta ka sngi ia ka kam.
Ym tang kitei ki lad ki lynti kaba ka sorkar ka la leh hynrei mynta ki dang don ki jingpynkhreh ba kumno ban wad ia ki lad ki lynti kiba thymmai ban ia khun pyrshah ia kane ka kam sniew ka laba la jyllei ha kine ki sngi. Ka sorkar mynta ka dang don ha ka jingpyrkhat ba kumno ban thung ia ki pulit kiba kyrpang tang ba kin tohkit ia kine ki kam kynnoh leh be ijot la ong ka myntri kam poh iing.(SP News)
