Shillong, Iaiong 24: ka seng Meghalaya Peoples Human Rights Council (MPHRC) ka pynrem jur ia ka jingjia hapoh ka shnong Mawryngkang ha kaba ia dei bad ka jingkynnoh menshohnoh. Naka liang jong ka MPHRC ka kyntu ba ka dei ban shim ia kane ka jingngeit biej kum kawei na ki jingeh kaba ka sorkar ka dei ban wad lad wat lynti ban pynduh ia ka.
Ka jylla Meghalaya ka la mad ia shibun ki jingeh kiba kum kine ha ki por kiba la leit noh bad naka liang jong ka seng MPHRC ka shim ba kane ka jingleh ka long pyrshah ia ka hok long briew man briew.
Kane ka jingngeit biej ha ki paidbah ka dei kaba la rung ha uwei pa u wei u briew bad ka la longdoh long snam, hynrei na ka liang jong ka MPHRC ka shim ba kane baroh kadei tang ka jingbihuin ia ka jingkiew jong ki briew.
Ka long kaei kaei kaba sngewsih ban iohi ba ha kane ka Ri India haduh mynta kam shym don kano kano ka ain kaban khanglad ia kane ka jingngeit biej. Ka sorkar ka dei ban don noh ia ka ain ban khanglad ia kum kine ki jingngeit biej.
Kumba ka long mynta ia ki briew kiba ia don bynta ha kaba leh ia ki kam pynklumar la shuh kem ia ki bad pynngat ha ki kyndon ain bapher bapher jong ka Indian Penal Code (IPC). Ka por ka la dei ba ka sorkar Meghalaya ka dei ban wanrah noh ia ka ain ban khanglad ia kane ka jingngeit biej.(SP News)
