Shillong, Risaw 31: U bah Metbah Lyngdoh President ka United Democratic Party ba bat ruh ia ka kam myntri ha kane ka sorkar MDA-II mynta ka sngi u la pyntip ba u la phah ia ka shithi hiar shuki na ka kam myntri sha u myntri rangbah ka jylla.
Haba kren ha ki lat pathai khubor ha ophis trei kam ka party la ong ba na ka daw jong ka jingkylla ka sain pyrthei ha kaba 11 ngut ki MLA kila mih na ka party bad kum u MLA ba dang don marwei la shim ia ka rai ban hiar shuki noh na ka kam myntri na kane ka sorkar MDA.
La ong ba ia ka shihti hiar shuki u la phah mynta ka sngi sha u myntri rangbah ka jylla bad kane kan long naduh mynta ka sngi bad kane ka dei ka khubor kaba kwah phah sha ki paidbah ka jylla mynta ka sngi ia kane ka jinghiar shuki.
U bah Metbah u la ong ba ia kiwei ki rai kan shong ha ka party, kane ka long ban ialat ia ki briew jong ka party kaei kaba kin sa shim ha kine ki sngi ki ban dang wan ia mynta ka long ba la hiar shuki na ka kam myntri.
