Shillong, Nailur 18: Sngewkhia ka BJYM,Meghalaya halor ka jingsdang ban pur ki kam Dih Drug bad kam Khaii drug hapoh ka skul bah NEHU, Shillong,bad kiweri de ki jaka ha nongbah Shillong.
Ha ka jingshisha ka NEHU kadei ka skulbah ban ai jingnang jingstad ia ki samla naka bynta ka lawei ba bha jong ki, phewse ngi sngewsih ban iohi ba don pynban kiba shim kabu ban kamai spah jubor da ki kam sniew ban pynngop ia ki samla pule ha ka kam dih drug bad pynlong ia kane ka skulbah kum ka jaka ia khaii.
Kumta halor kane, Ka BJYM, Meghalaya ka kyrpad ia ki bor pyniaid ban pyrkhing bad bishar bniah bha haba punrung skul ia ki samla ha kane ka skulbah bad kumjuh ruh ia kiba sah hostel,namar ngi kwah ba kane ka skulbah kan dei ka shlem saindur ban wanrah iaka nam ka burom iaka jylla jongngi bad kumjuh ban kyntiew iaka imlang sahlang ym ban long pynban ka ktem ki kam sniew kum ka kam ia khaii drug.
Ka BJYM, Meghalaya ka ai khublei iaka NEHUSU kaba la trei shitom ban kem iaki arngut kiba donkti haka kam khaii drug hynnin ka sngi bad dei ban nang buddien bad peitngor shuh shuh halor kane khnang ban pynduhjait syndon ia kuim kine ki jait kam ha kane ka skulbah bad lada lap iano iano kiba donkti dei ban phah beit shaki bor ka ain khlem jingmap namar kidei kiba la pynjah burom iaka NEHU bad iaka jylla.
kumjuh ruh ngi kyrpad iaki Dorbar Shnong,ki seng samla,ki sengbhalang,ki seng longkmie,ki sengniam kumjuh iaki paidbah ban ia treilang bad ki bor pulit ne ki bor ka ain khnang ban rat diengkhong ia kum kine ki jait kam. ong u samla Egenstar President BJYM,Meghalaya.
