Shillong, Nailur 20: Ka Meghalaya Editors bad Publishers Association (MEPA) ka ia wer ia ki Trai Kotkhubor, ki Editor lem bad ki para nongthoh khubor, ba kin ia wan shim bynta sha ka jing ialang jong ka Khasi Author’s Society ha Madan Malki, ha ka 22tarik Nailur 2018. Kaba dei ka Sngi Saitjain.
Ha kajuh ka por, ka MEPA, ka kyrpad ruh ia ki riew ieid kotkhubor bad kiba ju pule tista man ka sngi, kiba don ha kylleng ka Ri Khasi Jaintia, ba kin ia wan lang sha katei ka jingialang, kum ka jing ia wan kitbok lem halor ka jingdawa ban ithuh noh ia ka ktien Khasi, kum ka ktien Sorkar. Ka MEPA, ka ieng halor ka phang ba ka thoh ka tar ka iaid ryngkat ryngkat ha ka jingkhraw ka ktien ka thylliej jong U Khasi nylla.
