New Delhi, Jymmang 08: Na ka liang jong ka sorkar pdeng ka la juh btah ia ki sorkar jylla ka dong shatei lam mih ngi jong ka Ri India ba ki dei ban peit ba ia ki skhim pynmih bor ding eletrik ban dup lah ban pyndep ia ki ha ka por kaba biang.
Ha kane ka plan san snem kaba 12th la buh ia ka thong ba ka jingpynmih bording na kane ka dong shatei lam mih ngi jong ka Ri India ka dei ban kot sha ka 88,537 MW bad kata ka long 26,180 MW na ka bhah jong ka sorkar pdeng bad 15,530 MW na ka bhah jongki sorkar jylla bad 46,825 na ki company shimet.
Ha ka jingialang jong ki myntri ba dei peit ia ki kam pynmih bor ding ha ka 28 tarik jong u bnai Iaiong 2010 la shim ia ka rai ba dei ban peit bha khamtam eh ia kito ki jingtrei kiba ka Central Electricity Authority (CEA) ka shim ba ki long kiba don kam bad la bynshed ha ki sorkar jylla ba kin peit ban yn lah ban pyntrei kamha ka por kaba biang.
Ka CEA ka peit ia ki skhim ha kaba ia dei bad ka jingpynmih ia ki bor ding katkum ka Section 73(f) jong ka Electricity Act, 2003 ha kaba u chairman jong ka CEA u khot ia ka jingialang kaba man ka por ban peit ba ki jingtrei ki iaid beit .
Haba ia dei bad dong shatei lam mih ngi jong ka Ri India lada ka jingpynmih bor ding na ka thermal kam don kam ban ioh ia ka jingbit jong ka sorkar pdeng bad ka CEA kan ai tang ia ka jingbatai ha kaba ia dei bad ka project.(SP News)
