Shillong, Naitung 30: Ha ka World Hepatitis Day mynta ka sngi ka 29tarik u Naitung 2019, ka NEIGRIHMS ka la pyllait paidbah ia ka ‘Free Hepaptitis Vaccination Campaign’ ka ban sa ai jingmyntoi ia kumba 500 ngut ki nongpynkhuid ‘outsource’ bad ki nongtrei ha ka group D kiba trei ha kane ka Hospital.
Ia kane ka jingialap la pyllait paidbah da u Director ka NEIGRIHMS, u Prof.(Dr.) D. M. Thappa da kaba ai ia ka ‘vaccination’ kaba nyngkong eh sha i Kong Larihun Lyngdoh Mawphlang. U Medical Superintendent, u Prof. Dr. Noor Topno u la ai ia ki ‘vaccination cards’ sha ki nongioh jingmyntoi.
Ia kane ka Programme la pyniaid da ka ophis jong u Medical Superintendent ryngkat bad ka jingiatreilang jong ka Sanitation Section jong ka Hospital. Kane kan bteng ha ka 30 bad 31 tarik u Naitung. Ka Hepatitis B Vaccination ka iada ia ki nongtrei Hospital ban ialeh pyrshah ia kane ka jingpang kaba ioh na ka snam kaba lah ban lam sha ka jingiap, ka Hepatitis B.
U Chief Sanitation Officer u la pynpaw ia ka jingsngewnguh ia u Director bad ia u Medical Superintendent na ka bynta ka jinglah ban pynlong ia kane ka jingai ‘vaccination’ ka ban sa ai jingmyntoi ia kumba san spah ngut ki nongtrei ha ka kylla kaba nyngkong.
