Shillong, Nailar 26: Wat la ha ka Kalendar jong ka dorbar synrai kam shym la buh sngi ban don ka ilekshon speaker, hynrei kane ka sorkar MDA hapoh ka jingialam jong u Conrad K Sangma kala khot ia ka jingialang la shai ka sngi ban ia kren ia ka kam Speaker hapoh ka iing dorbar thawain ka jylla.
Katkum ki thymmei khubor kiba la lah ban ioh la ong ba ka jingialang jong ka kynhun MDA kan long la shai ka sngi ha ka por 7.00 baje mynmeit ha Pinewood bad ha kane ka jingialang kin shim ia ka rai ia iano ban pynieng kum u kyrtong na ka bynta ka ileshon speaker lada kin pynlong ha kane ka dorbar synrai ka ban wan.
Da ka jingkhot ia kane ka jingialang jong ka kynhun MDA kiba kyntup ia ka party NPP, ka BJP, ka UDP, HSPDP, ka PDF, NCP bad ki Independent la shai ka sngi, kala kdew ba kane ka sorkar kan pynlong noh ia ka ilekshon ban jied ia u Speaker jong ka iing dorbar ha kane ka dorbar synrai ka ban sdang ha ka 6 tarik Nailur u ban wan.
