Shillong, Lber 04: Mynta ka sngi ki paidbah, khamtam kiba shong iew ha Iewduh kila ia poi na kylleng sha jan Motphran da ka jingpyrkhat ba ia ka korphiew hapoh Iewduh ruh la pynlait.
Ki nongshong iew kila ia lum ha ki jaka rung kum na Stand Jeep bad kiba bun na YMCA Mawkhar ban ia ap ia kata ka 12.00 ban plie ia ka Iewduh, halor kane na ka liang jong ki Magistrate ar ngut kiba don ha kane ka por kila pynsngewthuh ia ki paidbah ba ia ka korphiew la pynlait tang ha ki bynta jong ka Police Bazaar bad Anjelee.
Ha dien ba la pynsngewthuh ia ki paidbah na ka liang jong ki Magistrate ha YMCA kila mih na kane ka jaka ban leit phai noh sha la ki jaka kaba ki wan. Na ka liang jong ki paidbah kila sngap ia kaei kaba ki Magistrate kila pynshai paidbah.
Bun na ki paidbah kila pynpaw ha khamt jong ki Magistrate ba la dei ban plie noh ia ka Iewduh ryngkat ka jingpynkhlain ia ki bor pahara namar bun na kiba dei ia ki mar pyut kila tip shai ba kim long shuh namar mynta la lai sngi kala neh ka por phiew hapoh Iewduh.
