SHILLONG, Jylliew 15: Ka kynhun nongtem ba pawnam na America ia kaba ka tip kum ka “Alternative rock band Hoobastank” kan wan ban rwai ha kane ka nongbah Shillong ha ka sngi rakhe ia ka jingdap hynriew snem jong ka magasin “The Northeast Today”
Ia kane ka magazine la seng da ka iing syiem na ka jylla Tripura U Pradyot Bikram Manikya Deb Burman ha u snem 2007. Kane ka kynhun nongtem na American kan wan ban tem ha kane ka nongbah Shillong ha ka 29 tarik mynta u bnai . Kane kan long ka jingwan ha ka sien kaba nyngnong ha India da katei ka kynhun nongtem.
Kane ka kynhun ka kynthup ia u vocalist Doug Robb, guitarist Dan Estrin, drummer Chris Hesse bad bassist Josh Moreau. Kane ka kynhun kan poiha India ha ka 27 tarik mynta u bnai.
Ka tiket naka bynta kane kan long T.500 tyngka kawei, U Pradyot Bikram Manikya u la ong ba ia ka jingmih na kane ka jingwan rwai jong kitei ki nongrwai na America kan leit sha ka jingiarap na ka bynta ka skul Maichang School project ka ai jinghikai kyrpang ia ki khynnah kiba yn don nongiarap.
Ia ki tiket yn die ha ki jaka kiba la buh bad ha ki jaka die ia ki recharge voucher jong ka company Aircle.(SP News)
