Shillong, Jylliew 04: Ka H.Y.C Riwar Mihngi ka la ai khublei ia u SDO ka Civil Sub Division Pynursla bah Hynniewta u ba la kloi bad pdiang ia ka jingai jingmut jong ka seng ban pynlong
iew shipor hadien ba la khang shipor ia ka Iew Pynursla namar kane ka jingpang COVID 19 ba la pynjari da ka Lock Down kaba la neh mynta la ar bnai.
Ha dien ba la pynbna ia ka jingkhang dam ki nongrep kila ud bad kam biang shuh ka jingpyniaid iew ia ki marrep. Halor kane ka seng bad ki nongshynshar Shnong ha ka 1.05.2020 kila leit kynduh is u SDO kaba don ha Pynursla ka la ai jingmut ba dei ban thaw ia ka iew ba shipor.
Kane ka iew ba shipor ba kan lah ban iarap ia ki nongrep khnang ba kin lah ban die ia ki Mar rep jong ki lada don kum ka iew kaba na ka liang sub Diviosion Pynursla ka pynlong kyrpang ha kum kane ka por ba don ka khang dam.
Halor kane ka jingpynsngew jong ka seng u SDO u la pdiang ia ka jingai jingmut jong ka seng bad la ioh ban plie ia kane ka iew ha Mawksing ha ka 03/06/2020 kaba hap ha ka shnong Wahpathaw Urksew ha rum pynursla bad ia kane ka iew la plie da u SDO ka Civil Sub Division Pynursla ha ryngkat ka jingiadon lang ki riew rangbah.
Ha ka kyrwoh ba la phah da u President ka seng U Samla Edmund Khongngai u la ong ba Ka seng ka dap da ka jingsngew kmen ban iohi ba la plie ia kane ka iew shipor kum shi bynta ban iarap ia ki nongrep ba kin lah ban die bad ban thied ia ki mar rep jong ki.
Ka seng ka kyntu ia ki paidbah jong ka thiañ Riwar kumjuh kiba wan na ki shnong ba Marjan ba kin mih bad shim bynta lang kumba la bthah da u SDO khnang ba kan wanrah ka jiingjop. Une u Nongialam u la kitbok kit rwiang ruh ba kane ka iew kan long kaba iaid Beit iaid ryntih.
