Guwahahti , Jylliew 28: Ki paidbah nongshong shnong jong ka sor Guwahati kila kyntait ia ka seng Assom Gana Parishad (AGP) ha kane ka election kaba dang shu dep sha ka Guwahati Municipal Coporation.
Ka seng AGP kaba ki paidbah ki ieit ha kip or kiba la dep mynta ki la kyntait ia ka. Naki 31 tylli ki seat ha ka GMC, ka AGP ka la jop tang kawei, ka BJP ka la jop 11 tylli bad ka Congress ka la ioh haduh 19 tylli.
Da kane ka jingrem ha kane ka election na ka liang jong ki nongkit kam jong ka seng AGP bun na ki la leit ban pyniasoh ia lade bad kiwei ki party kum ka seng Congres bad kaba la ktah palat eh ia ka AGP dei ka jingmih noh jong u Sarbananda Sonowal u ba la leit sha ka BJP.
U Dr. Kamala Kalita haba kren ha ki nongthoh khubor ha ophis jong kaseng AGP u la ong ba um dei ban ia nujor ia ka AGP bad kiwei ki seng sain pyrthei ia ka AGP la seng halor ka nongrim ban iakhun pyrshah ia ka jingwan tuid jong ki mynder ri.
U Durga Das Boro, General Secretary jong ka AGP u la ong wat hapdeng kine ki jingeh kiba ka seng ka ia kynduh hynrei kan nym shong kli kti ban wad ki lad ki lynti kumno ban pynkhlain biang ia ka seng namar kane ka election MP ka la ha jan. Kuma kalong mynta ka long kaba eh ia ka AGP ban leh ei ei ha kane ka election Lok Sabha ka ban sa long ha u snem 2014.(SP News)
