Shillong, Iaiong 23: Ka jingialang jong ka Executive Committee jong u bah Titosstarwell Chyne hapoh jong ka Khasi Hills Autonomous District Council (KHADC) mynta ka sngi kala shim ia ka rai ban wan rah ia ka jingpynkylla ia ka phom iathih shongkurim ki niam Khristan.
Haba kren ha ki Lat pathai khubor ha dien ka jingialang u Chief Executive member jong ka KHADC u bah Titosstarwell Chyne u la iathuh ba ha ka jingialang jong ka EC kaba la long mynta ka sngi kala shim ia ka rai ban wanrah ia ka jingpynkylla ha kaba ia dei bad ka phom iathoh shongkurim ki niam Khristan.
Ka jingai laisen ia ki niam Khristan ban pyniathoh la ai katkum ka ain “Indian Christian Marriage Act 1872” ia kaba la pdiang da ka District Councilha ka u snem 1954, haba ia dei bad kane ka KHADC ka kwah ban wan rah ia jingkylla ha kaba ia dei bad ka phom namar baroh shi katta ia ka phom la shon hi da ki balang.
Haba ia dei bad kane ka jingialang jong ka EC kaba la long mynta ka sngi kala shim ia ka rai ban thung ia ka kommittee kaba kyrpang ban peit bniah ha kaba ia dei bad kane ka kam ai syrnot iathoh shongkurim.
Ha ka jingialang jong ka EC mynta ka sngi kala pdiang ruh ia ka rai ban thungkam noh ia ki lai ngut ki nongbishar jong ki iing bishar hapoh jong ka KHADC,ha ka juh ka por la kyntu ia ki nongsynshar shnong ba ki pynshlur ia ki paidbah ba kin leit ban ai tika ban iada na ka jingpang khlam COVID-19.
Haba ia dei bad ki nongtrei ha KHADC la shim ia ka rai ba ki nongtrei kiba dei na ha kyrdon ophisar ki dei ban wan 100% bad ki bym dei ha ka kyrdon ki ophisar kin wan tang 35%. Ia mynta ki paidbah kin wan ban ia kynduh ia ki ophisar bad ki EM tang ar sien ha ka shitaiew kata ha ka sngi ba Ar bad sngi Palei, kata ruh ki hap ban da ioh jingbit shuwa, la leh ia kane ban iada na ka khlam COVID-19.
