Shillong, Naitung 18: Ki dortor jong ka NEIGRIHMS mynta ka sngi hapdeng ka jingduh jingkymren ki la puid ia u wei u draibar u ba la dung u nor ia ka met jong u ha kaba la pei na shiliang ka met sha shiliang ha ka jingiatyngkhuh kali.
Kane ka jingiatyngkhuh kali ha kala long hapdeng ka trok bad u nongniah ia kane ka Bolero bad kane kala jia ha surok Jowai ha ka por 1.30 baje mynstep bad la pynpoi ia une unongpang ha ka tei ka jaka ai jingsumar ha ka por 6.30 baje mynstep.
Mar ia poi une u nongpang ha katei ka jaka sumar na ka liang jng u Dr. Md.Yunus u la hukum ban rah wud wud ia u sha ka jaka puid, ia kane ka jingpuid la khlieh da u Dr R Hajong, ha kaba la synran lang da u Dr Nari LYngdoh, u Dr J Saikia, Dr Habib bad ia ka jingpuid la leh da u Dr Vijay bad la weng ia u nar ba la dung ia ka met jong u tei u draibar.
U Nongaiktien jong katei ka Hospital ha ka jingpynlait khubor ka jong u mynta ka sngi u Dr Dr. Manuj Kr. Saikia u la ong ba kane ka jingpuid ka la shimpor haduh arkynta shiteng, ka daw ka long ba une u nor rod ba la dung ia u u la ksam lyngba na jan jong klongsnam, kane ka long ka jingjia kaba phylla shisha.
Ha dien ba la dep ban sei ia u nor rot na ka met jong une u draibar une u ba pang u la sdang ban ring mynsiem bad mynta ki dang sumar ia u hapoh ka ICU na ki dak ki shim kiba u pyni ka long ba u la lait na ka jingma. Na ka liang jong u Director jong ka Hospital u Dr A G Ahanger u la shim khia ban peit ba ka jingpuid ka long kaba jop shisha.(SP News)
