Shillong, Jylliew 22: Ka tnad ka koit ka khiah mynta ka sngi kala pyntip kiba la test COVID-19 positive ki long 421 ngut bad kiba dang shitom baroh ha ka jylla ki long 4273 ngut haduh mynta ka sngi.
La iathuh ruh kiba la ioh ia ka jingkoit na kane ka jingpang mynta ka sngi ki long 341 ngut, kiba bun eh kiba la ioh ia ka jingkoit mynta ka sngi ki dei hapoh jong ka West Garo Hills 94 ngut bad ha East Khasi Hills 88 ngut, kiba la koit baroh haduh mynta ki long 40915 ngut.
Kiba la khlad na kane ka jingpang mynta ka sngi ki long 3 ngut, East Jaintia Hills 1, Ri Bhoi 1, East Khasi Hills 1, kiba la khlad baroh haduh mynta ki long 788 ngut, kiba bun eh kiba khlad dei ha East Khasi Hills District 598 ngut bud sha ka West Jaintia Hills 65 ngut.
Ka jingdon jong kiba shitom katkum ki District haduh mynta ki long, East Garo Hills 249, East Jaintia Hills 75, East Khasi Hills 1377, North Garo Hills 219, Ri-Bhoi 527, South Garo Hills 132, South West Garo Hills 207, South West Khasi Hills 194, West Garo Hills 607, West Jaintia Hills 588, West Khasi Hills 98 bad baroh ki long 4273.
