Shillong, Naitung 24: Katkum ka jingpyntip paidbah kaba la sam sha ki paidbah nongshong shnong jong ka Sabuda bad ki shnong ba marjan kan don ka jingleit jongoh jong ki saw ngut ki MLA jong ka Ri Bhoi District ia ka Sabuda ha ka 27 tarik mynta u bnai.
Ha kane ka sngi kan don ruh ka jingiakynduh lang jong ki saw ngut ki MLA jong ka Ri Bhoi , u Dr C Lyngdoh , Bah Julius K Dorphang, Bah Ngaitlang Dhar bad u Bah W Mylliemngap bad ki MLA jong ka Karbi Anglong .
Katkum ka jingpynbna paidbah ka long ba kan ruh ka jingialang paidbah ha katei ka sngi ha iing skul . Kane ka jingialang ka long ban ia kren ia ka roi ka par bad ka shongsuk shongsain ha katei ka thain.(SP News)
