Shillong, Nailar 16: Ka jingialang jong ka Kabinet kaba la shong myta ka sngi kala shim ia ka rai ban thung ia ka ‘Judicial Inquiry” halor ka jingkhlad noh jong u bah Chersiterfield Thangkhiew ha kti ki pulit haka 13th Nailar 2021.
Hakane ka jingialang mynta ka sngi ka cabinet kala ia kren ia ka shongsuk shongsain ha kane ka jylla bad khamtam ha kane ka nongbah Sillong, na ka liang jong ka cabinet kala rai ban thung ia ka Kommittee Jingsuk ia kaba yn khlieh da u Symbut Myntri Rangbah ka jylla u bah Prestone Tynsong, ban don lang u bah Hamletson Dohling bad bah Renikton Tongkhar Lyngdoh kum ki dkhot.
La ai bor ia ka committee ba kan lah ban thung biang ia ki briew na ki riew paidbah lada ka sngewdon kam, na ka bynta ban tehlakam ia ka shong suk shong sain la pynjlan ia ka jingkhang dam haduh ka sngi Balang bad ia ka Mobile Internet yn dang khang sa 24 kynta.
Ka cabinet kala thung ruh ia ka Committee kaba kyrpang ban peit ia ka shong suk shong sain kaba khlieh da u myntri rangbah ka jylla u Conrad K Sangma, U Symbut Myntri Rangbah ka jylla u bah Prestone Tynsong bad u Myntri kam poh iing ba kin peit ia ka shongsuk shongsain haka jylla.
