Shillong, Jylliew 05: Ha dien bun bun snem ba ka sorkar jylla kala wat jaka ban theh nuid mynta la don ar tylli ki jak kiba ka sorkar kan hap ban jied noh kawei, kawei ka dei ha Nonghali bad kawei ha Lwai sha lynti surok bah ban leit sha Sohiong.
Ki thymmei khubor kiba la ioh jingtip da u SP News Agency ki iathuh ba ka kynhun wat jaka kaba hap hapoh jingpeit ki bor jong ka District, kane ka jingwat jaka na ka bynta ka East Khasi Hills District na ka liang jong ka sorkar kala ioh ia ka jingtyrwa na kitei ki ar tylli ki jaka ia kiba hap ban jied kawei na ki ban buh ia ka jaka bret niut.
Ia kane ka kommittee kaba la tip kum ka “Task Force” la khlieh da ka Deputy Commissioner, kane ka kommittee kan wat ia ka jaka bad ka shong ha ka ban jied ia ka jaka ha dien ba kala dep ban jurip bad ha dien kata kan phah sha ka tnad pynroi sorkar ban leh ia kaba don kam.
Kum ban shu pynkynmaw ba ka seng Samla Mawlai Pyllun kala pynlong ia ka jingiakhin ban dawa na ka sorkar ba ka dei ban pynkynriah noh ia katei ka jaka bret niut kaba donha Marten bad na ka liang jongu myntri kam pynroi sor ruh la leit ban jurip ia katei ka jaka ba don ha Mawlai.
Na ka liang jong ka sorkar kala wat bun snem ia ka jaka ban bret niut hynrei haduh mynta kam pat ioh ia ka jaka, hynrei haduh mynta ka sorkar kam ioh ia ka jaka bad kitei ki ar tylli ki jaka ruh ka sorkar ka dang hap ban shim ia ka rai ban jied ia kano kawei na pdeng kitei ki jaka.
