Shillong, Nailur 03: U bah Embhah Syiemlieh wei na ki nongkit kam ba ha khmat ka party UDP ba dei ruh u MLA barim ka Mawlai u la phet noh na ka UDP bad leit ban pyniasoh noh bad ka party NPP mynta ka sngi.
Haba kren ha ka jingialang la ong ba kane ka party NPP ka don bad ki jingeh bad ka ialeh ban weng ia kita ki jingeh, kane ka dei kaba ka party kala leh ha kine ki sngi ba ka don ha ka bor ban weng ia ki jingeh.
Haba phai sha ka party UDP, la ong ba namar u sngewthuh la ka bor la khot ia u bah Process T Sawkmie ban wan sha ka party ban ialeh, hynrei kaba sngewsih ka long ba bun na ki nongialam ka party kiba la don lypa ha ka party ki shah kyndang sharud.
La ong ba kam shym don shuh kata ka jingkhot ia ki nongialam ka party ban ia kren hynrei la leh la kam noh bad iaid hala ka jong ka lynti, la ong ba lada kam don ka jingiaburom lang kaba don ha ka kynhun dei na kane ka daw ba um sngew tynnad.
Katba haka kynhun NPP la ioh ia ka jingnang ban burom ka jong ki kala pynlong ia u ban sngewtrai ha ka party NPP, u bah Embhah u la ong ba kin pynthikna banpynjop a u MDC bah Teiborlang Pathaw ban pynjop kum u kyrtong ka NPP.
Ia u bah Embhah bad ia ki nongkyrshah ka jong u la pdiang burom da u bah Prestone Tynsong, kiwei kiba la don lang na ka party ki long u state president ka party Dr. W.R Kharlukhi, la don lang u bah Don War, bah Bajop Pyngrope,ia ka jingialang la pyniaid da u bah Teobirlang Pathaw ka jingialang kala long ha Phudmawri Dorbar Hall.
