Shillong, Risaw 28: Mynta ka sngi ka seng FKJGP kala pynlong ia ka jingiaid paidbah na Motphran sha Madan Iewrynhep hlaor ka jingbyn ioh kam ioh jam ki samla jong ka jylla kaba la tip kum ka “Rally Against Youth Unemployment”.
Ha kane ka jingiaid paidbah na Motphran sha Madan Iewrynhep ha ki jingiaid lynti kala don ka jingshah ktah kti jong ki briew kiba iaid lynti kumba la paw ha ki video kiba la sa phriang mynta ka sngi.
Kane ka jingshah ktah kti jong ki riew paidbah kiba dang iaid lynti ka long ha Malki Point, Dhankheti bad ki pulti kiba don ha kane ka por ryngkat ki magistrate kila ialeh ban tem ia ki katto katne kila pyrshang ban ktah kti ia ki paidbah.
Ha kane ka jingiaid lynti kila don ki kali kiba la shah kawang maw bad kane ka jingshah kawang maw kala jia ha khmat ki magistrate, ki don ki Scotty kiba la shah bom ha kane ka jingiaid lynti.
Ha kane ka jingiaid paidbah da ki spah ngut ki dkhot ka seng FKJGP kiba la wan na kylleng ki bytna jong ka jylla Meghalaya bad ha kane ka jigniaid lynti kila ia pyrta ban pynrem ia kane ka sorkar MDA.
Ka seng FKJGP kala khot ia kane ka jingialang ban pynpaw sha ka sorkar ia ka jingkyrduh kam ki kham samla ka jylla, ka sorkar ka dei ban thaw ia ki lat ku lynti ban pynioh kam ia ki khun samla.
Ha kane ka jingiaid paidbah kila don ar ngut ki nongthoh khubor kiba la shah ktah kti bad na ka liang jong u President ka seng u bah Dundee Khongsit u la pan map paidbah ia katei ka jingjia.
