Shillong Naiwieng 01: Mynta ka sngi u General Secretary ka seng Federation of Khasi Jaintia & Garo People (FKJGP) u bah Eldie Newton Lyngdoh, u la leit kumba la bthah da ka tnad pulit ban hajir halor ka jingjia ha ka 28/10/2022 ha kaba ki paidbah kila shah ktah kti ha ka sngi ba ki pynlong ia ka jingiaid paidbah.
Kane ka jingkhot hajir ia u general secretary ka seng FKJGP mynta ka sngi ha Sardar Police station ka dei bad ka jingujor kiba ia dei bad ka Laitlumkhrah Police Station, hynrei na kidaw kiba ym lah ban tip kila khot noh ha Sardar Police Station.
Haba kren ha ki lat pathai khubor ha dien bala shah kylli jingkylli ha ki pulit kaba la neh naduh kumba san kynta ei ei ha kaba ki pulit jong ka Laitumkhrah kila pynngat halor ki hynriew tylli ki kyndon kiba la mih na ka jingiaid paidbah.
La iathuh ba ha kane ka jingwan hajir jong ki mynta ka sngi ka long ba ki pulit kila kylli tohkit bniah bha ha kaba ia dei bad ka jingiaid paidbah bad kumno kala mih ka jingklumar bad na ka liang jong u u la jubab ia kaei kaba u dei ban jubab.
Ki hynriew tylli ki kyndon kiba la pyngat ki long halor ki jingjia kiba la jia ha katei ka sngi kaba ki pulit ka Laitumhrah kala buh ia ki nishan pyrshah ia ki nongialam ka seng bad ku juh ia kaei kaba la nishan ruh hapoh Sardar Police Station, kum ki nongialam la ong ba u hap ban pdiang hynrei kin dang ia peit ia kaei nangne sha khmat namar ki khot biang ha ka 4/11/2022.
U Genenral Secretary ka seng FKJGP u la ong ba ka seng kala dep ban pan jingbit ban pynlogn ia ka jiaidpaidbah kaba jai jai ha kaba iadei bad ka jingkyrduh kam kyrduh jam, hynrei ym lah pat ban len ba kala don ka jingjia ba katto katne ngut ki briew kila shah ktah kti, hynrei kam dei kaba leh da ka seng FKJGP hynrei katei ka jingjia kala shu jia syndet.
Lada ka seng ka don ka jingthmu ban pynklumar kala dei ban klumar haba palat hajar ngut ki paidbah kila ia poi sha katei ka jingiaid paidbah, hynrei ka seng kam don kum kata ka jingthmu dei na katta ka daw haba la wai ka jingialang kamshym don kano kano ka jingjia kaba sngewsih.
Ki kyndon ba la pynngat ia u General Secretary ka seng FKJGP da ka Laitumkhrah Police Station ki kynthup ia ka kyndon U/s 341/324/353/505/506/34 jongka Indian Penal Code katba ka Sadar Police Station pat kala pynngat ia u ha ki kyndon 120 (B) /141/323/341/353/427/505/506/ bad 34 IPC.
