Shillong, Naiwieng 23: Mynta ka sngi u myntri rangbah ka jylla u Conrad K Sangma bad ka kynhun myntri kila leit sha shnong Mukroh ban ia kynduh ia kiba ha iing ha sem jong kito ki long iing kiba ngat ha ka jingjia kaba sngewsih na ka jingsiat pathar ki pulit Assam ha kaba san ngut ki mynsiem briew kila duh ei ia ka jingim.
Ha ha ka jingialang hapoh ka shnong u myntri rangbah ka jylla la ong ba ka sorkar ka pynpaw ia ka jingsngewsih kaba khraw halor kane ka jingjia ban burom ia kiba la khlad noh ka sorkar kala pynsangeh noh ia baroh ki kam sngewbha jong ka sorkar. Ha kane ka sngi la ai ruh ia ka jingiarap pisa kaba san lak tyngka sha kiba khlad ba siat ki pulit Assam.
Ha kane ka jingleit u myntri rangbah ka jylla u la sangeh ha lynti lynti ban ia kren bad ki seng bhalang bap her bapher kiba ap ha lynti bad u la ai ka jingkular ba ka sorkar Meghalaya bad ka sorkar Assam kin shim baroh ki lat ki lynti ban pynthikna ban ioh ia ka jingbishar ba kin ioh ia la ka hok.
La ong ba ka sorkar ka kyntu ia ki paidbah ban kin ia treilang bad ka sorkar, la iathuh ba ka sorkar Assam kala weng kam shipor ia u OC bad kum juh ia u heh ka tnad khlaw bad la pynkynriah kam ia u SP jogn ka Karbi Anglong.
La iathuh ba la shai a sngi ka kynhun ki myntri sorkar kin leit sha Delhi ban ia kynduh ia u myntri kam poh iing ka sorkar pdeng bad ha dien kata kin sa kynduh ruh ia u myntri rangbah ka jylla Assam. Ha kane ka sngi ka JSU kala ai ia ka dorkhas sha u myntri rangbah ban buh ia ka tnad pulit ha Mukroh.
Ha kane ka jingleit u myntri rangbah ka jylla u la ia kynduh ruh ia ki paidbah na ka shnong ka thaw bad ha kane ka jingkynduh kila pynpaw ia ka jingeh kaba kila ia kynduh da ki bun bun phew snem, u myntri rangbah u la kular bna ia ki jingeh baroh un sa pynsngew sha u mytnri kam poh iing ka sorkar pdeng.
