Shillong, Nohprah 19: Mynta ka sngi ka Dr. Ampareen Lyngdoh MLA jong ka Shillong East bad u bah Mohendro Rapsang MLA jong ka Shillong West baroh ar ngut na ka sentg Congess kila resign noh na ka kam MLA ban pyniasoh sha ka party NPP.
Ia ka shithi resign sha u Commissioner bad Secretary jong ka iing dorbar thawain ka jylla u Dr Andrew Saimon, ban pynpoi pat ia ki shithi resign sha u Lamphang ka iing dorbar ban pdiang ia ka jinghiar shuki ka jong ki na ka kam MLA.
Haba kren ha ki lat pathai khubor ka Dr. Ampareen Lyngdoh kala ong ba ha dien ba ka party congress kala pra, ki san ngut ki MLA kila shah weng noh naka party, hapdeng kine ki jingeh kiba la jia ha ka jinglong MLA ka jong ki kila rai ban mih syndon da kaba hiar shuki ban ioh ban pyniasoh sha kawei ka party.
Ka long ba shuwa ba kan shim ia ka rai ban leit sha ka NPP kala don ka jingiasylok bad ki nongkyrshan hapoh ka konstitwensi ha dein ba la sngewthuh la shim ia kane ka rai ban leit sha ka NPP, kaba dei ka National Party kaba mih na kane ka jylla Meghalaya ka party ka bym don ia kata ka jingiashruh .
Ka Dr. Ampareen kala iathuh ba ka dei ka jingshisha ba ka party BJP ruh kala wan ban khot ia ka ban ia don sha ka party hynrei haba la ia sylok ki paidbah kim pat pdiang ia kane ka party, ia ka jingwan khot kam don jingpher hynrei kala shim ia ka rai ban pyniasoh sha ka NPP.
U bah Mohendro Rapsang haba kren sha ki lat pathai khubor la ong ba, ka jingmih noh ka jong u na ka party Congress kam dei ka jingleh ka jong u hynrei dei ka jingleh ka party kaba kila weng noh ia ki shipor haba la shah seng kam dei shuh ka jingbakla jong u ban hiar shuki noh bad ban pyniasoh bad ka party NPP ka party kaba dei na kane ka jylla la jong.
Ia kine ki ar ngut ki MLA kiba la hiar shuki mynta ka sngi la pdiang burom ia ki sha ka party NPP ha jingialang paidbah kaba la long mynta ka janmiet ha madan Iewrynhep ha Nongthymai ha kaba da ki bun sphan ngut ki nongkyrshan jong ki kila pyniasoh sha ka NPP mynta ka sngi.
