Shillong, Nohprah 24: Ka shnong Moolamylliang ha East Jaintia Hills ha kine ki khyndiat snem kala khring ia ki paidbah na kylleng ka Ri Khasi ba kin leit ban peit ia ka jingpynriam da ki lait ha kane ka por khristmas haduh ka snem thymmai.
Kane ka jingpynriam da ki light hapoh katei ka shnong kala khring ia baroh ki briew bad mynta u snem wat ka tnad elekshon ka jylla kala ia shim bynta lang ban pynphuh ia ka jingpynitynnad da ki light ia ka dur map jong ka jylla Meghalaya ban sa long elekshon ha u snem 2023.
Kane ka jingsdang la leh da ki bor pyniaid jong ka shnong Moolamylliang ha kaba sdang ba kane kala khring ia ki paidbah na kylleng ban leit jngoh ia katei ka shnong bad mynta kala long ba ka shnong kala pyniaid ia kane ka jingshna bad pynpur ia ki light na ka bynta ka Khristmas bad snem thymmai man u snem.
Mynta u snem wat u myntri rangbah ka jylla u Conrad K Sangma u la ai ia ka jingithhuh jong u ia ka jingitynnad ka rukom pynpur ia ka light ha kane ka por leh kmen Khrsitmas namar kala khampher ka jingitynad ban ia nujor bad kiwei ki shnong.
