Shillong, Nailur 15: Ka Seng Hynniewtrep Achik National Movement jong ki san tylli kiCircle kiba kynthup ia ka Sawsymper, Mawsynram, Lawbah, Balat bad Ranikor. Katkum ka kyrwoh khubor ba la phah da u Chief Organizer u Bah B.Syiemlieh jong kine ki san tylli ki circle u la iathuh ba hadien ba ka jingaipor jong ka seng san sngi ia ka tnad pulit ban pyllait noh iaki lai ngut ki dkhot ka Seng kiba la shah kem bad ban sangeh banthwet ia ki nongialam bad ki dkhot jong ka seng.
Hynrei namar ka jingmynthi jong ka Tnad pulit na ka liang ki nongialam jong kine kisan tylli ki circle ki la iashong kyrkieh mynta ka janmiet bad ki la rai ban khot syndon da ka pakhang shnong ba 12 kynta ha ka 19 tarik mynta u bnai. Kata ka ban sdang naduh ka 5:00 Mynstep bad kan kut ha ka 5:00 Janmiet bad ha ka sngi kaba bud kata ka 20 tarik yn don ka pakhang Ophis ba shisngi.
Kane ka jingkhot pakhang shnong bad pakhang ophis jong ki san tylli ki circle kan treikam naduh ka shnong Umnongrim kaba don hapoh ka shnong Weiloi East Khasi Hills District. Ha shi lynter ka surok bah ter ter naduh Mawsynram, Lawbah, Hat Mawdon, Balat, Ranikor shaduh Borsora Nongjri. Bad ka pakhang ophis pat kan treikam ha baroh artylli ki C&RD Block kata Mawsynram bad Ranikor Block. Kumta ngi kyrpad ia ki nongtreikam sorkar ki nongtrei Ophis bad ia ki paitbah kiba kynthup haduh Mawsynram, Lawbah, Balat Ranikor, bad kiwei kiwei de ki shnong kiba don ha kitei ki thain.
La kyrpad ia ki paidbah ba kin iasnoh kti lang ha kane ka jingiakhih ba ar sngi jong ka Seng na ka bynta ban dawa pyllait ia ki lai ngut ki dkhot jong ka Seng na
Balar Border Circle, kiba la shah kem ha kine ki sngi kita ki long ia u President ka HANM Balat Border Circle u Bah Kharwbor Rangdkhew bad ia ar ngut ki dkhot u Bah John Syiemlieh bad Stadbor Dkhar bad na ka bynta ka tnad pulit ba ka dei ban sangeh syndon ban thwet ia ki dkhot ka Seng.
Kum ban shu pynkynmaw ba myn haka 30 tarik myn shym bnai ki dkhot jong ka seng na Balat Border Circle ki la pynlong iaka jingkhynra Bar Jylla kiba thmu ban leit bylla be aiñ hapoh ka bri u Hynniewtrep bad dei na kane ka daw ba kine ki dkhot ki la shah kem.
Ngi sngewlyngngoh kum ka seng namar la san snem kynthih naduh ba la seng ia ka seng ngi la pynlong ia ki jingkhynra ia ki bar jylla ha baroh kawei ka Bri u Hynniewtrep hynrei ym don ba kem, hynrei kane ka jingkem jong ki pulit ia kine ki dkhot jong ka seng ka long ka bym don nongrim. Bad ngi hi ruh ka seng baroh kawei ngim lah ban pdiang ia
kane ka jingleh jong ki pulit.
Ha ka jingshisha na ka liang jong ka seng ngi ialeh ban kiar ban pynlong ia ki jingiakhih namar ngi tip ba kan ktah ia u duk u suk khamtam iaki nongbylla. Hynrei dei ka Tnad pulit kaba pynbor ia ngi ban pynlong ia ki jingiakhih namar ngim don lad shuh da kumwei pat ngim banse ban pynlong ia ki jingiakhih kum ban pynbor ia ka Tnad
pulit khnang ba ngin ioh iaki jingdawa. Namar ka jingaipor jong ki san tylli ki circle jong ka seng ia ka Tnad pulit san sngi ka la kut. Kane ka long karkum ka kyrwoh khubor ba la phah da u Bah B.Syiemlieh Chief Organizer jong ki san tylli ki Circle jong ka HANM. (SP News)
